FIFA-nyń jańa prezıdentin saılaıtyn ýaqyt belgili boldy
ASTANA. QazAqparat - Halyqaralyq fýtbol federatsııasy prezıdentiniń kezekten tys saılaýy 2016 jyldyń 26 aqpanynda ótetin boldy.Bul týraly uıymnyń baspasóz qyzmetinen habarlady.
Dúısenbi kúni Tsıýrıhte FIFA atqarýshy komıtetiniń kezekten tys otyrysy ótti. Onda FIFA prezıdentiniń kezekten tys saılaýy ótetin merzim anyqtaldy. Saılaýǵa deıin 1998 jyldan uıymdy basqaryp kele jatqan Iozef Blatter FIFA basshysy mindetin atqarady, dep habarlady TASS.
Uıym reglamenti boıynsha, FIFA prezıdenti saılaýyna qatysýǵa úmitti kandıdattar ótinishterin 26 qazanǵa deıin tapsyrýy tıis.
Senbi kúni «As» ıspanııalyq basylymy Eýropalyq fýtbol qaýymdastyǵy odaǵynyń (ÝEFA) basshysy Mıshel Platını bul laýazymǵa óz kandıdatýrasyn usynatynyn habarlanǵan. Osyǵan deıin bul laýazymǵa burynǵy frantsýz fýtbolshysy Davıd Jınola, TsSKA-nyń burynǵy bas bapkeri brazılııalyq Zıko, Argentına quramasynyń shabýylshysy bolǵan Dıego Maradona, Iordanııa hanzadasy Alı bın Al-Hýseın, Lıberııa fýtbol qaýymdastyǵynyń prezıdenti Musa Bılıtı, burynǵy FIFA vıtse-prezıdenti, ońtústikkoreıalyq Chon Mondjýn nıet bildirgen.
