FIFA-nyń burynǵy vıtse-prezıdenti Ýrýgvaıda qamaýǵa alyndy
ASTANA. QazAqparat - Ońtústik Amerıka Fýtbol konfederatsııasynyń eks-basshysy jáne FIFA-nyń burynǵy vıtse-prezıdenti Eýhenıo Fıgeredo Ýrýgvaıda qamaýǵa alyndy. Bul jerge ol Shveıtsarııadan ekstradıtsııalanǵan. Oǵan «alaıaqtyq jasady» degen aıyp taǵylyp otyr, dep habarlady «VVS» agenttigi.
Sonymen qatar, ol birneshe mıllıon dollar para aldy dep aıyptalǵan. Onyń kinásy dáleldense, 15 jylǵa deıin bas bostandyǵynan aıyrylýy múmkin.
Bı-bı-sı habarlaǵandaı, Ýrýgvaı astanasy Montevıdeoǵa barǵannan keıin 84 jastaǵy burynǵy sheneýnik ustaldy. Onyń ózin úı qamaqta ustaý týraly ótinishi qanaǵattandyrylmady.
Fıgeredo - 27 mamyrda shveıtsarııalyq Tsıýrıhte jemqorlyqqa qatysy bar degen kúdikpen ustalǵan FIFA-nyń jeti joǵary laýazymdy sheneýniginiń biri.
