FIFA Nıgerııa fýtbol federatsııasynyń jumysyn toqtatty
ASTANA. QazAqparat - Halyqaralyq fýtbol federatsııasy (FIFA) uıymnyń isterine memlekettiń aralasýyna baılanysty Nıgerııa fýtbol federatsııasynyń (NFF) qyzmetin toqtata turý týraly sheshim shyǵardy. Bul týraly FIFA-nyń taratqan málimetterinde habarlandy.
Abýdjadaǵy úkimet sot sheshimimen Nıgerııa fýtbol federatsııasynyń basshylyǵyn jumystan bosatqan, sondaı-aq ótken aptada ÁCh-2014-ten oralǵannan NFF prezıdentin qamaýǵa alǵan eken.
Jumystan shyǵarylǵandardy olar fýtbolshylardyń jalaqysyna baılanysty daýly máseleni sheshpedi dep aıyptaýda.
FIFA nıgerııalyq sheneýnikterge eskertý jasap, dıskvalıfıkatsııany alǵa tarta otyryp, Nıgerııa fýtbol federatsııasynyń prezıdenti Amıný Maıgarı men atqarýshy komıtet meshelerin qyzmetine qaıtarý týraly talapty qoıdy.
