FIFA qyzmetkerlerin ÁCh-2014 kezinde brazılııalyqtardan alǵan syılyqtaryn qaıtarýǵa mindettedi
ASTANA. QazAqparat - Halyqaralyq fýtbol qaýymdastyǵy (FIFA) óz qyzmetkerlerin Brazılııanyń fýtbol konfederatsııasynan syıǵa alǵan saǵattaryn qaıtarýǵa mindettedi, dep jazady Interfaks.
Árqaısysynyń quny 25 myń eýro bolatyn saǵattardy 2014 jylǵy fýtboldan Álem chempıonaty kezinde birqatar sheneýnikterge Brazılııa fýtbol konfederatsııasynyń demeýshileriniń biri syılaǵan eken. FIFA-nyń Etıka jónindegi komıtetiniń resmı málimdeýinshe, óz kodeksterine sáıkes, qaýymdastyq qyzmetkerleri sımvolıkalyq máni bar syılyqtardy ǵana qabyl alýǵa quqyly. Oryn alǵan jaıtqa baılanysty brazılııalyq tarapqa eskertý jasaldy, al FIFA qyzmetkerlerine syılyq qapshyqtaryn birden tekserýge nemese saǵattardy birden keri qaıtarýǵa jáne bul týraly qaýymdastyqqa habarlaýǵa tıis bolǵandyqtary jaıly aıtyldy.
