FIFA Qazaqstannyń fýtbol federatsııasyna 1,5 mln dollar kóleminde kómek beredi
NUR-SULTAN. QazAqparat - Halyqaralyq fýtbol federatsııasy (FIFA) ulttyq federatsııalarǵa koronavırýspen kúresý úshin 1,5 mlrd AQSh dollarynan beredi. Bul jóninde uıymnyń baspasóz qyzmeti málim etti, dep habarlaıdy QazAqparat.
Osy baǵdarlama aıasynda FIFA-ǵa múshe barlyq qaýymdastyqqa, onyń ishinde Qazaqstannyń fýtbol federatsııasyna da kómek kórsetiledi.
Uıymǵa kiretin 211 qaýymdastyqtyń árqaısysy 1 mln dollar kóleminde biregeı grant alady, sonymen qatar áıelder fýtbolyn damytýǵa qosymsha 500 myń dollardan qarastyrylǵan. Al alty konfederatsııa 2 mln dollardyń grantyna ıe bolady.
Odan bólek, árbir halyqaralyq qaýymdastyq 500 myńnan bastap 5 mln dollarǵa deıingi nesıege ótinim bere alady. Tek onyń somasy qaýymdastyqtyń jyldyq tabysynyń 35 paıyzynan aspaýy kerek.
Konfederatsııalarǵa da 4 mln dollar kóleminde kredıt usynylady.
