FIFA Qazaqstanǵa 1,5 mln dollar kómek bermek
NUR-SULTAN. QazAqparat – Halyqaralyq fýtbol federatsııasy (FIFA) koronavırýs indetinen týyndaǵan daǵdarystan shyǵynǵa ushyraǵan ulttyq federatsııalarǵa qarjylaı kómek kórsetý sheshimin qabyldady. Bul týraly QazAqparat Sports.kz saıtyna silteme jasap habarlaıdy.
FIFA atqarýshy komıtetiniń bıýrosy 1,5 mıllıard dollar kóleminde jıyntyq tólemdi maquldaǵan. Taǵy 210 federatsııasy sııaqty, Qazaqstan da 1 mıllıon dollar kóleminde aqshalaı ótemaqy jáne áıelder fýtboly úshin taǵy 500 myń dollar alady.
Sondaı-aq, bólingen soma indet saldaryn joıýǵa jetispeı qalǵan federatsııalarǵa 5 mıllıon dollarǵa deıin nesıe alý múmkindigi beriledi.
Aıta ketsek, qazaqstandyq premer-lıga oıyndary álemde qalyptasqan jaǵdaıǵa baılanysty ázirge toqtatyldy.
