FIFA fýtboldan álem chempıonatynyń fınaly ótetin alańnyń shóbin 390 eýrodan satpaq
ASTANA. KAZINFORM — Halyqaralyq fýtbol federatsııasy (FIFA) 19 shildede álem chempıonatynyń fınaly ótetin Nıý-Djersı shtatyndaǵy MetLife stadıonynyń gazonynan alynǵan bólikterdi satatynyn málimdedi, dep habarlaıdy DW.
FIFA dúkeniniń saıtyndaǵy málimetke sáıkes, alań shóbiniń árbir bóligi 450 dollar (390 eýro) turady.
Gazon bólikteriniń ólshemi 17,5 × 17,5 × 17,5 dep kórsetilgenimen, onyń dıýımmen, santımetrmen nemese mıllımetrmen berilgeni naqtylanbaǵan.
Sıpattamada satyp alýshylarǵa akrıl qorapshaǵa salynyp, 2026 jylǵy álem chempıonatynyń logotıpi, match ótken oryn, kún jáne qorytyndy esep kórsetilgen «fýtbol tarıhynyń shynaıy bir bólsheginiń ıesi bolý» usynylady. Sondaı-aq jıyntyqqa túpnusqalyq sertıfıkaty jazylǵan USB-tasymaldaǵysh qosa beriledi.
Saıtta tapsyrystardy jóneltý álem chempıonatynyń fınalynan keıin ǵana bastalatyny jáne ázirge jetkizý tek AQSh pen Eýropadaǵy mekenjaılarǵa júzege asyrylatyny kórsetilgen.
Buǵan deıin álem chempıonatynyń sońǵy shırek fınaldyq matchtardy qaıdan kórýge bolatynyn jazǵan bolatynbyz.
Sondaı-aq Ońtústik Afrıkanyń fýtbolshysy Djeıden Adams álem chempıonatynan oralǵannan keıin qaıtys bolǵany týraly habar tarady.
