FIFA: Fýtboldan ÁCh-nyń telearnalardaǵy kórsetilimi rekordtyq deńgeıge jetti
ASTANA. QazAqparat - Brazılııada ótip jatqan fýtboldan álem birinshiligindegi Japonııa men Kot-d'Ivýar quramasy arasyndaǵy oıyn telearnalardy eń kóp kórermen jıǵan oıynnyń biri boldy. Bul týraly Halyqaralyq fýtbol qaýymdastyǵy federatsııasynyń telearnalyq dırektory málim etti, dep jazady ITAR-TASS.
Jergilikti ýaqyt boıynsha saǵat 10-da 34,1 mln. japondyq kórermen "En-He-Ka" arnasynan óz komandalarynyń jeńiliske ushyraǵan oıynyn tamashalaǵan (1:2). Al, birinshiliktiń ashylý oıynynda 42,9 mln. "Globo" telearnasynan ulttyq quramalarynyń jarqyn jeńisine kýá bolǵan. Sondaı-aq, amerıkalyqtar men ganalyqtardyń oıynyn 11,1 mln. adam tamashalap, ESPN kanalynda rekordtyq kórsetkish ornatqan.
Anglııa quramasynyń ıtalııadan jeńilis tapqan oıynyn BBC1 kanalynan 14,2 mln adam tamashalasa, ıtalııalyq "Er-Eı-Aı" arnasynan 12,8 mln adam kórgen. Eki el úshin de bul translıatsııalar eń reıtingi joǵary kórsetilim bolǵan.
Taǵy bir derek, Germanııa men portýgalııa oıynyn translıatsııalaǵan (4:0) "Eı-Er-De" kanalynyń aldynan 26,4 mln kórermen tabylǵan.
