FIFA fýtbol quramalarynyń reıtıngin jarııalady

ASTANA.KAZINFORM - Halyqaralyq fýtbol assotsıatsııasynyń federatsııasy (FIFA) ulttyq quramalardyń álemdik reıtıngin jarııalady.

Bul reıtıngide qazaqstandyq fýtbolshylar ótken aıdaǵydaı 114 ornyn saqtap qaldy.

Onda Ispanııa quramasy kósh bastap tursa, odan keıingi oryndarda Argentına men Ispanııa keledi. Oǵan qosa alǵashqy ondyqqa Anglııa, Brazılııa, Portýgalııa, Nıderland, Marokko, Belgııa jáne Germanııa quramalary engizilgen.

Otandastarymyz 2026 jylǵy álem chempıonaty irikteý kezeńinde J tobynda 8 upaımen 4 orynǵa turaqtady. Olar Ýelsten eki márte (1:3, 0:1), Soltústik Makedonııadan (0:1), Belgııadan (0:6) esebimen jeńilip, Soltústik Makedonııa jáne Belgııamen (1:1) teń tússe, Lıhtenshteındi (4:0, 2:0) eki márte tize búktirdi.

Aıta ketsek, Qazaqstan UEFA Ulttar lıgasynyń jerebesi aldynda birinshi sebetke tústi.

Bul týrnırde Qazaqstan quramasy S lıgasynda baq synaıdy. Jerebe aldynda ulttyq birinshi sebetke ornalasty. Onda bizden ózge Islandııa, Albanııa, Chernogorııa bar.

Ulttar lıgasynyń irikteý jáne pleı-off kezeńderi 2026 jyldyń 24 qyrkúıegi men 2027 jyldyń 30 naýryz aralyǵynda ótedi. Jerebe 12 aqpan kúnine belgilengen.