FIFA eń ádemi 10 goldy atady
ASTANA. QazAqparat - FIFA Ferents Pýshkash nagradasyna - jyldyń úzdik golynyń avtory syılyǵyna úmitti on gol jaıly jarııalady. 6 qarashadan FIFA.com jáne francefootball.fr saıttarynyń paıdalanýshylary jyldyń úzdik goldarynyń úshtigin anyqtaý maqsatynda daýys beredi.
Daýys berý 30 qarashaǵa deıin jalǵasady. Osydan keıin sol saıttarda Ferents Pýshkash nagradasy ıegerin anyqtaıtyn saýalnama bastalady.
Jeńimpazdyń aty 11 qańtarda Tsıýrıhtegi FIFA sharasynda jarııalanady. Úzdik gol úshin daýys berý shoý kezinde aıaqtalmaq. Ferents Pýshkash nagradasy osymen jetinshi ret usynylady. Ol 50-shi jyldardaǵy Vengrııa quramasynyń kapıtanynyń qurmetine osylaı atalǵan.
Osyǵan deıin bul syılyqqa Krıshtıaný Ronaldý, Hamıt Altyntop, Neımar, Mıroslav Stoh, Zlatan Ibragımovıch pen Hames Rodrıges qol jetkizdi.
Sol sharada FIFA Altyn dobynyń ıegeri men áıelder arasyndaǵy 2015 jylǵy álemniń úzdik fýtbolshysynyń esimi belgili bolady. Sondaı-aq shoý kezinde erler jáne áıelder quramalarynyń úzdik bapkerleri jarııa etilmek, dep jazdy RBK .
1. Alessandro Florentsı («Roma») 2. Karlı Lloıd (AQSh)
3. Karlos Teves («ıÝventýs»)
4. Devıd Boll («Flıtvýd»)
5. Chorı Kastro («Real Sosedad»)
6. Vendella («Atletıko Goıanense»)
7. Lıonel Messı («Barselona»)
8. Fılıpp Mekses («Mılan»)
9. Marsel Ndjenga («Paderborn»)
10. Esteban Ramıres («Eredıano»).
Úzdik goldardy myna silteme boıynsha qarap shyǵýǵa bolady.
