FIFA Dıego Maradonany eki aıǵa jazalady
A. Qarashanyń 16-sy. QazAqparat - Halyqaralyq fýtbol federatsııasy (FIFA) bylapyt sózder aıtqany úshin Argentına quramasynyń jattyqtyrýshysy Dıego Maradonany eki aıǵa qyzmetinen shettetti jáne 25 myń shveıtsar franki kóleminde aıyppul saldy,
dep habarlaıdy «RIA «Novostı» agenttigi.
Úkim qarashanyń 15-de kúshine enip, 2010 jylǵy qańtardyń 15-ne deıin sozylady. Osylaısha, jaza Maradonaǵa óz komandasymen 2010 jylǵy álem chempıonatynda óner kórsetýge kedergi bolmaıdy. Maradona osydan bir aı buryn irikteý tsıklynyń sońǵy oıynynda Ýrýgvaı quramasymen bolǵan jáne 1:0 esebimen Argentınanyń jeńisimen aıaqtalǵan oıynnan keıin aıqaılaǵan bylapyt sózderi úshin jazalanyp otyr. Oıyndy qorytyndylaǵan ysqyryqtan keıin jáne odan soń bolǵan baspasóz máslıhatynda Maradona barsha jurtty «biraz jerge aparyp tastaǵan» bolatyn.
