FIFA-daǵy jemqorlyq týraly fılm synǵa ushyrady
ASTANA. QazAqparat - Halyqaralyq fýtbol federatsııasy (FIFA) Germanııanyń ARD arnasynda shyqqan jemqorlyq týraly fılmge qatysty syn aıtty, dep jazady «VVS» agenttigi.
Nemistiń ARD arnasynda «Satylǵan fýtbol» fılmi 4 mamyrda efırge shyqty. Ol 2018 jáne 2022 jyldary fýtboldan álem chempıonatyn ótkizý boıynsha konkýrsta Reseı men Katardyń jeńiske jetýine baılanysty týǵan jemqorlyqqa qatysty daýǵa arnaldy.
FIFA habarlamasynda «Satylǵan fýtbol» («Der verkaufte Fussball») fılminiń avtory mátindegi faktilerdi burmalap, keıbireýlerin múldem alyp tastaǵanyn aıtty. Sonyń ishinde, Reseı eńbek zańnamasyna qatysty qate tustary bar.
Sonymen qatar, uıym FIFA ustanymyn elemegenin aıtty. Uıym ókilderi jýrnalısterdiń barlyq saýaldaryna jaýap berdi, alaıda bul jaýaptar fılmde kórsetilmedi.
Osyǵan deıin baspasózde daýys berýge qatysqan atqarýshy komıtettiń birneshe múshesi para aldy degen boljamdar aıtylǵan. Alaıda, FIFA-nyń ishki tergeý júrgizýi nátıjesinde bul aqparat rastalmaǵan.
