FIFA-da jemqorlyq joq, men tazamyn - Zepp Blatter
ASTANA. QazAqparat - Fýtbolda jemqorlyq joq, FIFA da, men de tazamyn. Eger qııanat jasalǵan bolsa, oǵan jekeleı adamdar ǵana kináli, dedi álemdik fýtbol federatsııasynyń basshysy Zepp Blatter, Bı-bı-sıge bergen suhbatynda.
Blatter FIFA-ǵa 1998 jyldan beri jetekshilik etip keledi. Otstavkaǵa 2016 jyldyń aqpanynda ketedi. 79 jastaǵy shveıtsarııalyq mamyr aıynda 5-shi ret saılanǵan bolatyn, alaıda uıymda jemqorlyqqa qatysty daýdan keıin otstavkaǵa ketetinin málimdedi. «Men FIFA-ny qorǵaǵym kelgendikten osyndaı qadamǵa bardym, áıtpese, men ózim úshin jaýap bere alamyn, meniń oǵan kúsh-qýatym jetedi. Men osy ýaqyt aralyǵynda ne tyndyrǵanymdy jáne ne jasaı almaı ketip bara jatqanymdy jaqsy bilemin. Mende uıat bar, men arly adammyn. Men tazamyn», - dedi Blatter suhbatynda.
