FIFA bıýdjetiniń tapshylyǵy 100 mıllıon dollardan asty
ASTANA. QazAqparat - Halyqaralyq fýtbol federatsııasy (FIFA) bıýdjetiniń tapshylyǵy 2015 jyly 108 mıllıon dollardy qurady. Bul týraly Reuters aýdıt boıynsha uıym komıtetiniń múshesine silteme jasaı otyryp habarlady.
Ókildiń aıtýynsha, mundaı qarjy tapshylyǵyna jemqorlyq daýyna baılanysty FIFA-ǵa degen senimniń azaıýy sebep bolǵan.
Juma, 26 aqpanda, Tsıýrıhte federatsııanyń jańa prezıdentin saılady.
Bul laýazymǵa Azııalyq fýtbol konfederatsııasynyń (AFC) prezıdenti sheıh Salman bın Ibragım ál-Halıfa, ÝEFA bas hatshysy Djannı Infantıno, Iordanııa hanzadasy Álı bın Ál-Hýseın, FIFA bas hatshysynyń burynǵy orynbasary frantsýz Jerom Shampan jáne ońtústikafrıkalyq Tokıo Seksvale nıet bildirgen.
