FIFA Brazılııamen qatynastardyń kúrdeli ekenin moıyndap otyr
ASTANA. QazAqparat - FIFA-nyń bas hatshysy Jerom Valke fýtboldan álem chempıonatyna daıyndyq barysynda uıym men Brazılııa úkimeti arasyndaǵy qatynastar kúrdelene túskenin moıyndady.
Atalǵan eldiń astanasyna Ulttyq stadıonnyń jaǵdaıymen tanysýǵa kelgen Valke týrnırdi josparlaý kezinde qatelikter oryn alǵanyn jetkizdi, dep jazady VVS.
Onyń sózine qaraǵanda, FIFA tarapy fýtboldan Álem chempıonaty kezinde de jappaı narazylyq aktsııalary ótetinin boljap otyr. «Alaıda, uıymnyń basty maqsaty - Brazılııaǵa keletin jankúıerlerdiń týrnırdi rahattanyp tamashalaýyna jaǵdaı jasaý», - deıdi Valke.
Esterińizge sala keteıik, fýtboldan Álem chempıonaty 12 maýsym men 13 shilde aralyǵynda Brazılııanyń 12 qalasynda ótedi. Dúbirli dodany Rıo-de-Janeıro, Resıfı, Salvador, San-Paýlý, Portý-Alegrı, Manaýs, Fortaleze, Natal, Belý-Orızontı, Brazılıa, Kýıaba jáne Kýrıtıbe qalalary qabyldaıdy.
