FIFA basshysy Iozef Blatterdi otstavkaǵa ketýge shaqyrýda
ASTANA. QazAqparat - San-Paýlýda ótken kezdesýde birneshe eýropalyq fýtbol sheneýnikteri FIFA basshysy Iozef Blatterdi otstavkaǵa ketýge shaqyrdy, dep habarlady VVS.
Gollandııalyq fýtbol qaýymdastyǵynyń basshysy Mıhael van Praagtyń málimdeýinshe, Blatterdiń basshylyǵy kezinde FIFA aınalysynda jemqorlyq daý-damaıy jıi kóterile bastady jáne osy oraıda Blatter qyzmetinen ketpese, onda FIFA abyroı-bedelin qalpyna keltire almaıdy. Óz kezeginde Anglııanyń fýtbol qaýymdastyǵynyń prezıdenti Greg Daık jaqynda Blatterdiń jasaǵan málimdemesin synǵa aldy. Osyǵan baılanysty taıaýda FIFA basshysy Iozef Blatter 2022 jyly fýboldan álem chempıonatynyń ótkizýshi el retinde Katar saılanǵannan keıin týyndap jatqan jemqorlyq aıyptaýlaryn násilshildik belgileriniń paıda bolýymen baılanystyrǵan edi. «Sunday Times» brıtandyq gazetiniń málimetinshe, ÁCh-2022-ni ótkizýshi el retinde Katardyń kandıdatýrasyn qoldaý úshin fýtbol sheneýnikteri 5 mln. dollar kóleminde para alǵan. Sonymen qatar jaqyn arada Blatter 2015 jylǵy FIFA prezıdenti saılaýynda óziniń kandıdatýrasyn qaıta usynýǵa baılanysty málimdeme jasaıdy dep kútilýde.
