FIFA basshysy Indonezııadaǵy oqıǵa týraly: Fýtbolǵa qatysy bar árbir adam úshin qaıǵyly kún
ASTANA. QazAqparat - Indonezııa Densaýlyq saqtaý mınıstrliginiń málimetinshe, Malang qalasyndaǵy stadıonda bolǵan oqıǵa saldarynan 174 adam qaza bolyp, 300-den astam adam jaraqat alǵan, dep habarlaıdy QazAqparat Euronews-ke silteme jasap.
Jergilikti polıtsııanyń habarlaýynsha, jeńilgen komandanyń jankúıerleri oıynshylarǵa bótelkeler laqtyrǵan, odan keıin alańǵa qaraı júgirgen. Tártip saqshylary jınalǵan jurtty taratý úshin kózden jas aǵyzatyn gaz qoldanǵan, bul jaǵdaıdy odan ármen ýshyqtyrdy. Adamdar tunshyǵýdan jáne bas jaraqattarynan kóz jumdy
FIFA basshysy Djannı Infantıno Malang qalasyndaǵy janjaldy «fýtbolǵa qatysy bar árbir adam úshin qara kún» dep atady.
Buǵan deıin habarlaǵanymyzdaı, Qaıǵyly oqıǵa Indonezııanyń Malang qalasyndaǵy stadıondaǵy oıyn kezinde boldy. Fýtbol matchynda bolǵan qaqtyǵys saldarynan kem degende 174 adam qaza tapty.
Foto: AP Photo/Dita Alangkara
