FIFA basshysy: Fýtboldan TMD chempıonatyn ótkizý múmkin emes
ASTANA. 21 qańtar. QazAqparat - Halyqaralyq fýtbol federatsııasynyń (FIFA) prezıdenti Iozef Blatter fýtboldan TMD chempıonatyn ótkizý múmkin emes dep sanaıdy.
Ol Reseı fýtbol odaǵynyń prezıdentine birlesken jarystar ıdeıasy týraly umytýǵa keńes berdi.
Reseı jańalyqtar agenttiginiń habarlaýynsha, Blatter TMD chempıonatyn qurý FIFA qaǵıdattaryna qaıshy keletindigin qadap aıtty.
«FIFA - bul eń basty rólderdi klýbtar oınaıtyn pıramıda qurylymyna ıe uıym. Klýbtar klýbtyq jarystar uıymdastyrýy kerek, biraq ulttyq federatsııalar ishinde, bul FIFA men álemdik fýtboldyń saıasaty. Biz ulttyq lıgalardyń shekarasyn esh ýaqytta qaıta qarastyrmaımyz.TMD lıgasyn qurý múmkin emes, bul FIFA qaǵıdattaryna qaıshy, buǵan jol berilmeıdi», - dedi ol.
FIFA prezıdenti sondaı-aq, ulttyq federatsııalardan tys klýbtyq týrnırlerdi uıymdastyrý múmkindigine FIFA músheleri - Konfederatsııalar ǵana ıe ekendigin qosyp ótti.
