FIFA basshysy 2015 jyly otstavkaǵa ketedi
ASTANA. QazAqparat - San-Paýladaǵy kezdesý barysynda eýropalyq fýtbol sheneýnikteri FIFA basshysy Iozef Blatterdiń sybaılas jemqorlyqqa qatysty daý týyndaýyna baılanysty kelesi jyly otstavkaǵa ketýin talap etti. Olardyń aıtýynsha, munyń bári uıymnyń bedelin tómendetken, dep habarlady Bı-bı-sı.
Gollandııalyq fýtbol qaýymdastyǵynyń basshysy 78 jastaǵy Mıhael van Praag Blatter 2015 jyly FIFA prezıdenti saılaýyna óz kandıdatýrasyn usynyp qajeti joq, dep málimdedi.
Anglııadaǵy Fýtbol qaýymdastyǵynyń prezıdenti Greg Daık Katardy 2022 jylǵy fýtboldan álem chempıonatyn ótkizý eli retinde saılaýyna baılanysty násilshildikke salynyp sybaılas jemqorlyq jasady dep aıyptady degen Blatterdiń sózin synǵa aldy. Blatter San-Paýlada ótken FIFA kongresinde ÝEFA ókilderimen kezdesti. Ol bes basqa fýtbol konfederatsııasynan qoldaý kútken. Grek Daıktyń aıtýynsha, ol Blatterge: «Aıyptaýdyń násilshildikke esh qatysy joq; bul sybaılas jemqorlyqqa qarsy aıyp. Tyńǵylyqty tergeý júrgizip, barlyq suraqtarǵa jaýap tabýǵa bolady», - degen. «FIFA-ǵa teris áserin tıgizetin jónsiz syndardy toqtatyp, istiń baıybyna baryp, qarap, túsinýge tyrysý qajet», - dep málimdedi FIFA basshysyna Daık. Blatter delegattarǵa kelesi jyly FIFA prezıdentin saılaý kezinde oǵan óziniń qatysatyny jaıynda habarlaǵan. Alaıda Mıhaelıa van Praaganyń pikirinshe, Blatterge oryntaǵyn bosatatyn ýaqyt jetken sııaqty. «Sońǵy jyldary bolǵan jaǵdaılarǵa baılanysty FIFA-nyń bedeli túsip ketti», - dep málimdedi Nıderlandy fýtbol qaýymdastyǵynyń basshysy. «FIFA-ny tek keıbiri ǵana durys qabyldaıdy, buǵan qalaı qarasańyzdar da, barlyǵyna kináli Blatter. Halyq FIFA-ny sybaılas jemqorlyqqa, paraǵa, tamyr-tanystyqqa jol beredi dep aıyptaýda», - dep sanaıdy Van Praag.
