FIFA «Atyraý» fýtbol klýbyna 6 upaıyn qaıtaryp berdi
ATYRAÝ. QazAqparat - FIFA tártip komıteti «Atyraý» fýtbol klýbyna 6 upaıyn qaıtaryp berdi, dep habarlaıdy «QazAqparat» HAA tilshisi.
«Bizdiń klýb maýsymnyń basynda 6 upaıynan aıyrylyp qalǵan. Muny FIFA «Atyraý» FK-nyń burynǵy bapkeri chernogorııalyq Zoran Fılıppovıchtiń jalaqysy boıynsha qaryzyna baılanysty dep túsindirdi. Sol sebepti jańa maýsymdy mınýs alty upaımen bastadyq. Alaıda, eýropalyq lıtsenzııasy bar zańger jaldap, klýbtyń esh qaryzy joq ekenine FIFA tártip komıtetiniń kózin jetkizdik. Bizden ádiletsiz alynǵan upaıymyz qaıtaryldy, Bul jańalyqtyń fýtbolshylarymyzdy senimdi oınaýǵa yntalandyraryna úmittenemiz», - dep habarlady «Atyraý» FK dırektory Tımýr Nıgımov.
