FIFA arqyly upaılaryn qaıtaryp alǵan «Atyraý» sońǵy orynnan qozǵaldy
ASTANA. QazAqparat - «Taraz» óz alańynda «Atyraýdan» utylyp qaldy.
Munaıly ólkeniń fýtbol klýby bıylǵy maýsymdaǵy alǵashqy jeńisine qol jetkizdi. Jaqynda ǵana alty upaıyn FIFA arqyly qaıtaryp alǵan «Atyraý» toǵyzynshy týrda jeńiske jetip, segiz týr boıy tapjylmaı turǵan sońǵy orynnan bir saty joǵarylady. Bul týraly Astana fýtbol federatsııasynan habarlady.
«Tarazdyń» utylmaıtyndaı múmkindigi boldy. Oıynyń basynda penaltı tebý múmkindigi buıyrdy. Alaıda, 11 metrlik aıyp soqqysyn Reseıden kelgen Rýslan Mýhametshın oryndap, qaqpashydan aılasyn asyra almady.
Ekinshi taımda Lı qaqpashyny shatystyryp, tamasha soqqysymen esep ashty. «Taraz» kóp sozbaı, tarazy basyn teńestirdi. Biraq oıyn sońynda Novıtsa Maksımovıch aıyp soqqysyn oryndap, asqan sheberlikpen dopty doǵasha ıip, qaqpaǵa dóp túsirdi.
«Taraz» - «Atyraý» - 1:2 (0:0)
Goldar: Lı, 64 (0:1). Zaınýtdınov, 72 (1:1). Maksımovıch, 87 (1:2). Mýhametshın 16-mınýtta penaltı soǵa almady.
Eskertýler: Morıs, 9. Gorbanets, 23. Zaınýtdınov, 33. Babahanov, 62 - Djokıch, 45+1. Lobjanıdze, 75. Chıchýlın, 82. Maksımovıch, 88.
«Taraz»: Babahanov, Ámirhanov, Shıpıtsın, Mııýshkovıch, Shadmanov, Dıara (Ergashev 82), Zaınýtdınov, Gorbanets, Morıs (Feşýk 46), Qojamberdi (Seıidahmet, 68), Mýhametshın (k). Qosalqy quram: Satybaldın, Qurǵýlın, Moltýsınov, Taýbaı, Azovskıı, Raıymbek
«Atyraý»: Pasechenko, Ábdirahmanov, Lobjanıdze, Obshıvach, Chıchýlın, Djokıch, Salomov (Marov, 80), Maksımovıch, Súleı, Haırýllın (k) (Qaıyrallıev, 77), Lı (Dvalıshvılı, 74). Qosalqy quram: Jomartov, Májıtov, Nurybekov, Korobov, Saparov, Túlıev
Tóreshiler: Qumashev (Astana), Popov (Pavlodar), Konıvets (Qaraǵandy)
29 sáýir. Taraz. «Ortalyq» stadıon. 3 200 kórermen
