FIFA álemdik áıelder lıgasyn qurýy múmkin
ASTANA. QazAqparat - Halyqaralyq fýtbol federatsııasy (FIFA) álemdik áıelder lıgasyn qurýy múmkin. Bul jaıly uıymnyń kongresindegi alǵysózinde FIFA prezıdenti Djannı Infantıno málim etti, dep habarlaıdy TASS.
«Halyqaralyq fýtbol federatsııasy álem boıynsha áıelder fýtbolyn damytýǵa mindetti. Biz álemdik áıelder lıgasyn qurýdyń barlyq múmkindikterin qarastyryp jatyrmyz», - dedi Infantıno.
Áıelder arasyndaǵy álem chempıonaty 1991 jyldan bastap, tórt jylda bir ret uıymdastyrylady.Al 2019 jylǵy týrnır Frantsııada ótkizilmek.
