FIFA álemdegi eń úzdik fýtbolshylardy marapattaý rásimi ótetin kúndi jarııalady
NUR-SULTAN. QazAqparat - Halyqaralyq fýtbol federatsııasy (FIFA) 17 qańtarda onlaın rejıminde jyldyń úzdik oıynshylaryn marapattaý rásimin ótkizedi. Bul týraly QazAqparat FIFA-nyń baspasóz qyzmetine silteme jasap habarlaıdy.
Marapattar jyldyń erler men áıelder arasyndaǵy úzdik fýtbolshy, erler jáne áıelder quramalarynyń úzdik jattyqtyrýshylary, erler men áıelder arasyndaǵy úzdik qaqpashylar, 2021 jyldyń úzdik gol avtoryna beriledi. Sondaı-aq, erler men áıelderdiń sımvoldyq komandalary, adal oıyn úshin jáne úzdik jankúıerlerdiń úzdik aktsııasynyń júlde ıegerleri belgili bolady.
Nomınatsııalar boıynsha jeńimpazdar onlaın daýys berý arqyly anyqtalady, oǵan barlyq ulttyq quramalardyń kapıtandary men bas bapkerleri, jankúıerler men BAQ ókilderi qatysady.
Kandıdattarǵa daýys berý 22 qarasha men 10 jeltoqsan aralyǵynda ótedi.
Aıta ketsek, 2020 jyldyń úzdik oıynshysy bolyp nemis «Bavarııasynan» polıak Robert Levandovskı, úzdik bapker - aǵylshyndyq «Lıverpýl» komandasynan nemis ıÝrgen Klopp atalǵan bolatyn. Al, eń ádemi gol úshin Ferents Pýshkash syılyǵyn aǵylshyndyq «Tottenhemden» ońtústikkoreıalyq Son Hen enshiledi.
