FIFA álem chempıonatyna qatysýshylar sanyn 48 komandaǵa deıin ulǵaıtty
ASTANA. QazAqparat - Halyqaralyq fýtbol federatsııasynyń keńesi 2026 jylǵy týrnırden bastap álem chempıonatyna qatysýshylar sanyn 32 komandadan 48-ge ulǵaıtý sheshimin qabyldady, dep habarlady Bı-bı-sı.
FIFA resmı tvıtterinde habarlaǵandaı, týrnır qatysýshylary 16 topqa bólinedi, olardyń árqaısysy úsh komandadan turady.
Álem chempıonaty aıasynda matchtar sany 64-ten 80-ge deıin kóbeıedi, týrnırdiń uzaqtyǵy 32 kúndi quraıdy.
FIFA esebi boıynsha bul ár týrnır ótkizýden túsimdi 20 paıyzǵa ulǵaıtyp, chempıonattyń kirisin arttyrýǵa yqpal etedi.
FIFA basshysy Djannı Infantıno chempıonatta komanda sanyn keńeıtý jospary týraly ótken jyly kúzde aıtqan bolatyn.
«Bul komandaǵa aýyrtpalyq ákelmeıdi. Klýbtar úshin de kedergisi joq. Óıtkeni kúntizbede belgilenbeıdi, fýtboldyń damýyna járdemdesedi. Sondyqtan taǵy birneshe qurama álem birinshiliginiń fınaldyq bólimine qatysatyn bolady», - dep atap ótti Infantıno.
Qoldanystaǵy qaǵıdaǵa sáıkes álem chempıonatyna qurlyqtyq irikteý týrnırlerinde sátti óner kórsetken 32 ulttyq qurama qatysady.
Týrnırdiń fınaldyq satysynda barlyq qatysýshylar árqaısysy tórt-tórt komandadan segiz topqa bólinedi.
