FIFA álem chempıonattarynyń tártibin ózgertti
ASTANA. Maýsymnyń 21-i. QazAqparat - Brıtandyq BAQ habarlap jatqandaı, FIFA álem chempıonatynyń tártibine ózgerister engizdi, olar bıylǵy mýndıalda-aq kúshine enbek, dep habarlaıdy RBK.
Fýtbolshylar osyǵan deıingi kezeńderde jınaǵan sary kartochkalar ¼ fınaldan keıin kúshin joıady. Osyǵan sáıkes, pleı-offta eki ret eskertý alǵan oıynshylar qaıtkende de fınalǵa jiberilmeıdi.
«FIFA-nyń osy sheshimi sheshýshi oıynda barlyq myqty sportshylarǵa óz talantyn synap kórýge jaǵdaı jasaıdy. 2002 jyly Mıhael Ballak fınaldan qalyp qoıdy, al Germanııanyń Fýtbol federatsııasy qatysý quqyǵynan aıyrýdyń kúshin joıýǵa tyrysty. Sol joly FIFA oıynshyǵa berilgen eskertýdi óz kúshinde qaldyrǵanymen, bul máseleni bolashaqta qarastyrý qajet dep sheshken bolatyn», - dedi FIFA baspasóz hatshysy Marıýs Shnaıder.
Esterińizge sala keteıik, buryndary sary kartochkalar tek 1/8 fınaldan keıin ǵana kúshin joıatyn.
