FIFA ÁCh kezinde stadıonǵa ákelýge tyıym salynatyn zattardyń tizimin jarııalady
ASTANA. QazAqparat - FIFA Brazılııadaǵy fýtboldan álem chempıonaty oıyndary ótetin stadıondarǵa ákelýge tyıym salynatyn zattardyń tizimin jarııalady, dep jazady sheteldik BAQ.
Málimetter boıynsha, jankúıerlerge trıbýnaǵa úlken kólemdi sýmkalar, ot shashý zattaryn, mýzykalyq aspaptar, qolshatyr, úrlenetin sharlar, oǵan qosa úıden tiskebasar jáne kez kelgen suıyq zat ákelýge tyıym salynady.
Sondaı-aq, eni, uzyndyǵy, bıiktigi 25 sm-den asatyn, stadıon oryndyǵynyń astyna syımaıtyn kólemdi kez kelgen zatty ákelýge bolmaıdy.
Al, plakattardyń uzyndyǵy 2 metrden aspaý kerek. Tyıym salynǵan tizimge saty, oryndyq, úı janýarlary (soqyr adamdardy ertip júrýge jattyqqan ıtterdi qospaǵanda) jáne un tektes untaq zattar da kirdi. Eń bastysy, kórermenderdiń densaýlyǵyna zııan keltiretin kez kelgen zatqa tyıym salynady.
