FIFA ÁCh-2022 qysqy kezeńge aýystyrǵany úshin ótemaqy tólemeıdi
ASTANA. QazAqparat - FIFA bas hatshysy Jerom Valke fýtbol federatsııalary men klýbtary Katardaǵy álem chempıonaty jazda emes, qysta ótkiziletin bolsa, aqshalaı ótemaqy almaıtynyn habarlady, dep jazady Bı-Bı-Sı.
«Eshqandaı ótemaqy bolmaıdy, sebebi oǵan áli jeti jyl bar», - dedi Valke.
Keıbir fýtbol klýbtary FIFA-dan jarystyń úırenshikti kúntizbesiniń ózgerýine baılanysty yqtımal shyǵyndar úshin aqsha talap etý nıetin málimdegen. Olardyń ishinde mıýnhendik «Bavarııa» prezıdenti Karl-Haınts Rýmmenıgge de bar.
Aıta keteıik, jumys toby FIFA-ǵa Katarda jazǵy kezeńde qatty ystyq bolýyna baılanysty ÁCh-2022-ni qarasha-jeltoqsanǵa aýystyrýyn usynǵan bolatyn.
