FIFA ÁCh-2018 matchtarynyń bastalatyn ýaqytyn bekitti
ASTANA. QazAqparat - Halyqaralyq fýtbol federatsııasy (FIFA) 2018 jyly Reseıde ótetin álem chempıonatynyń bastalatyn ýaqytyn bekitti. Bul týraly uıymnyń saıtynda habarlandy.
Týrnır matchynyń ashylýy 14 maýsymda Máskeý ýaqytymen saǵat 18:00-de bastalady. Chempıonattyń eń erte bastalatyn oıyny 16 maýsymda saǵat 13:00-de ótedi. Sol kúni mýndıaldiń eń kesh bastalatyn matchy ótedi (22:00).
Qalǵan kúnderi kezdesýler saǵat 15.00-den 21:00-ge deıingi aralyqta ótedi. Fınal Máskeýdegi «Lýjnıkı» stadıonynda 15 shildede saǵat 18:00-de bastalady.
Mýndıaldiń fınaldyq bóliginde jerebe tartý Máskeýde 2017 jylǵy 1 jeltoqsanda ótpek. Fýtboldan álem chempıonaty 2018 jylǵy 14 maýsymnan 15 shildege deıin Reseıdiń 11 qalasyndaǵy 12 stadıonda: Máskeý, Sankt-Peterbýrg, Kalınıngrad, Qazan, Volgograd, Tómengi Novgorod, Samara, Saransk, Ekaterınbýrg, Dondaǵy Rostov jáne Sochı qalalarynda uıymdastyrylady, dep jazady Lenta.rý .
