FIFA 2026 jylǵy álem chempıonaty qatysýshylaryna beriletin júlde qoryn arttyrady
ASTANA. KAZINFORM — FIFA aldaǵy 2026 jylǵy álem chempıonatyna qatysatyn 48 ulttyq quramaǵa arnalǵan tólemderdi kóbeıtýdi josparlap otyr, dep habarlaıdy Al Jazeera.
Qazirgi ýaqytta ulttyq qaýymdastyqtarmen kelissózder júrgizilip jatyr, túpkilikti sheshim uıym keńesiniń Vankýverde ótetin otyrysynda qabyldanady.
Bastapqyda týrnırdiń júlde qory 727 mıllıon AQSh dollaryn quraǵan. Onyń ishinde jeńimpaz komanda 50 mıllıon dollar alsa, árbir qatysýshy keminde 10,5 mıllıon dollardan alýy tıis bolǵan. Alaıda Eýropa federatsııalary logıstıka, salyq jáne AQSh, Kanada, Meksıkaǵa sapar shyǵyndarynyń joǵary bolýyna baılanysty bul somalardy qaıta qaraýdy usynǵan.
Qazirgi tańda FIFA-nyń qarjylyq jaǵdaıy turaqty. Tórt jyldyq tsıkl ishinde uıymnyń tabysy 11 mıllıard dollardan asady dep kútiledi. Osyǵan baılanysty tek ulttyq quramalarǵa beriletin júlde ǵana emes, sonymen qatar 211 múshe qaýymdastyqty qarjylandyrý kólemi de ulǵaıtylmaq.
Aıta keteıik, álem chempıonaty 11 maýsym men 19 shilde aralyǵynda ótedi.
Osydan buryn 2026 jyly ótetin fýtboldan álem chempıonatyna 1 mıllıonnan astam bılet satylǵany belgili boldy.
Sondaı-aq, Iran 2026 jylǵy fýtboldan álem chempıonatynyń jerebesine qarsylyq tanytqany anyqtaldy.
Keıinnen Iran quramasy fýtboldan álem chempıonatyna qatyspaıtyny aıtyldy.
Óz kezeginde Tramp keńesshisi fýtboldan álem chempıonatynda Irandy Italııamen almastyrýdy usyndy.
