FIFA 2025 jylǵy klýbtar arasyndaǵy álem chempıonatynyń kýbogyn tanystyrdy

ASTANA.KAZINFORM - Halyqaralyq fýtbol federatsııasy (FIFA) 2025 jyly ótetin fýtboldan klýbtar arasyndaǵy álem chempıonatynyń resmı kýbogynyń fotosýretin kórsetti.

Kýbok 5 jeltoqsanda Maıamıde ótetin týrnırdiń jerebe tartý rásimi kezinde kópshilikke kórsetiledi.

Kýbokty FIFA Tiffany & Co zergerlik sán úıimen birlesip jasaǵan. Ol 24 karat altynmen jalatylǵan jáne búkteletin birneshe dıskilerden turady. FIFA klýbtar arasyndaǵy álem chempıonatynyń barlyq burynǵy chempıondary jeńisterin eske túsiretin gravıýralar bar 2025 jylǵy kýboktyń kóshirmesin jasaıtynyn aıtty.

Kýbokty álem kartasy oıyp jazylǵan, FIFA-ǵa múshe 211 qaýymdastyq pen 6 konfederatsııanyń aty jazylǵan. Ortalyq dıskide fýtbol dástúrlerin kórsetetin rámizder beınelengen. Kýbok 13 tilde jáne Braıl árpimen jazylǵan. Sondaı-aq «Osy júldeni ustaǵandarǵa: Tarıh sizderdiki!" degen jazýy bar.

Kýbokta 1904 jyly 21 mamyrda Parıjde federatsııa qurylǵan kezde jáne 2025 jyly 15 maýsymda Maıamıde ótken týrnırdiń ashylý matchy kezindegi planetalardyń shamamen ornalasqan orny beınelengen.

Klýbtar arasyndaǵy álem chempıonaty 2025 jyldyń 15 maýsymy men 13 shildesi aralyǵynda AQSh-tyń 11 qalasyndaǵy 12 arenada ótedi. Oǵan 32 komanda qatysady. Qazirgi ýaqytta týrnırdiń 31 qatysýshysy anyqtaldy, sońǵy joldama 30 qarashada fınaly ótetin Lıbertadores kýbogynyń jeńimpazyna beriledi.