FIFA 2018 jylǵy álem chempıonatynyń Reseıde ótetinin rastady
ASTANA. QazAqparat - Halyqaralyq fýtbol qaýymdastyqtarynyń federatsııasy (FIFA) 2018 jyly jáne 2022 jyly fýtboldan álem chempıonattarynyń josparlanǵandaı Reseı jáne Katar elderinde ótetinin rastady.
Uıym Reseı men Katar FIFA sheneýnikteriniń jemqorlyǵy týraly isterin tergeý qorytyndylaryna qaramastan, chempıonattardy ótkizý quqyǵyn saqtap qalatynyn atap ótti, dep habarlaıdy VVS .
Buǵan deıin baspasóz betterinde birneshe ret Reseı men Katardyń álem chempıonattaryn ózderinde ótkizý quqyǵyn fýtbol sheneýnikterine para berý jolymen alǵany týraly boljamdar shyqqan. Biraq bul aqparat resmı rastalǵan joq.
Osy aptada Shveıtsarııada para alýda aıyptalyp otyrǵan FIFA-nyń birneshe joǵary ókiletti qyzmetkeri ustaldy.
Reseıdiń bul iske qatysy joq, alaıda sarapshylar jaǵdaıdyń ózgere alýy múmkin ekenin aıtty.
Juma kúni FIFA-nyń qazirgi basshysy, óz qyzmetin 17 jyl atqaryp kele jatqan Iozef Blatter uıym prezıdentin kezekti saılaýynda jeńiske jetti. Álem chempıonatyn Reseıde ótkizýdiń jaqtasy retinde tanymal sheneýnik FIFA-ny 2019 jylǵa deıin basqarady.
