FIFA 2012 jylǵy eń úzdik 10 goldy atady
ASTANA. 15 qarasha. QazAqparat - Fýtbol qaýymdastyqtarynyń halyqaralyq federatsııasy (FIFA) 2012 jylǵy eń úzdik 10 goldy jarııa etti.
Bul týraly Vesti.kz habarlady. Jankúıerler naqty osy 10 goldyń arasynan jyldyń eń úzdik golyn tańdaıtyn bolady.
Keremet salynǵan goldardyń avtorlary kelesiler ataldy: Gana quramasy men "Ýdınezeniń" havbegi Emmanýel Agemang-Badý, "Nıýkasldyń" jartylaı qorǵaýshysy Hatem Ben Arfa, madrıdtik "Atletıko" men Kolýmbııa quramasynyń forvardy Radamel Falkao, «Torontonyń» shabýylshysy Erık Haslı, bolıvııalyq "Nasıonal Potosı" klýbynyń shabýylshysy Gaston Meala, Argentına quramasy men «Barselonanyń» forvardy Lıonel Messı, Brazılııa quramasy men «Santostyń» shabýylshysy Neımar, "Fenerbahche" oıynshylary Mýssa Soý jáne Mıroslav Stoh. Sondaı-aq olardyń qataryna Meksıka quramasynyń fýtbolshy qyzy Olıvııa Hımenes qosyldy.
Jyldyń eń úzdik goly úshin daýys berý FIFA-nyń saıtynda 14 qarasha kúni bastaldy. Ferents Pýshkash atyndaǵy syılyq ıegeriniń esimi 2013 jyldyń 7 qańtary kúni Tsıýrıhte ótetin marapattaý saltanatynda atalady. Aıta keteıik, buǵan deıin bul syılyqqa Krıshtıaný Ronaldý (2009), Hamıt Altyntop (2010) jáne Neımar (2011) ıe boldy.
