Fıdjıdegi daýyl qurbandarynyń sany 29 adamǵa jetti
ASTANA. QazAqparat - 20 aqpanda Fıdjı Respýblıkasynda (Tynyq muhıtynyń ońtústigindegi arhıpelag) bolǵan daýyl saldarynan 29 adam qaza tapty, dep habarlady VVS agenttigi.
Jańartylǵan bul málimetti jergilikti bılik habarlady. Sonymen qatar, ýaqytsha ornalastyrý ortalyqtarynda baspanasyn qalǵan segiz myńnan astam adam bar ekeni aıtyldy.
Fıdjı bıligi qalypqa keltirý jumystaryn júrgizý birneshe aıǵa sozylýy múmkin dep boljap otyr. Keı araldarda quıyn bútin aýyldardy joıyp jiberdi.
20 aqpanda «Ýınston» tsıklonymen Fıdjıde jyldamdyǵy saǵatyna 320 shaqyrymǵa deıin jetetin qatty jel turyp, nóserletti. Bıiktigi 12 metrdi quraıtyn tolqyndardy ákeldi.
Bastapqyda 17 adam qaza tapty dep habarlandy.
