Fıdjı Premer-Mınıstri Qazaqstanǵa keledi

ASTANA. QazAqparat - Kelesi aptada Fıdjı Premer-Mınıstri Djosaı Voreke Baınımarama Qazaqstanmen saparmen keledi. Bul týraly búgin Aqordada QR Memlekettik hatshysy Gúlshara Ábdiqalyqova senim gramotasyn tabystaǵan Fıdjı Respýblıkasynyń Elshisi Ioane Naıvalýrýan málim etti, dep habarlaıdy QazAqparat.

«EKSPO-2017» kórmesin kórip tań-tamasha boldyq. Kelesi aptada meniń Premer-Mınıstrim Astanada bolady. ol sizderdiń elderińizdiń shaqyrýyn qabyl aldy. Bizdiń elimiz osyndaı ekijaqty qarym-qatynastyń arqasynda dılomatııalyq baılanystarymyzdy jaqsarta alamyz dep esepteıdi», - dedi ol kezdesýden keıin BAQ ókilderine.

Aıta keteıik, Qazaqstan men Fıdjı dıplomatııalyq qarym-qatynas ornatý týraly kelisimge 2012 jyldyń 6 maýsymynda qol qoıǵan bolatyn.

«Dıplomatııalyq qarym-qatynasymyzdyń tarıhı tereńde emes. Biz táýelsizdigimizdi 1970 jyly aldyq. Sondyqtan jas ári shaǵyn el sanalamyz. Sizdermen yntymaqtastyqtyń úlken múmkinshilikterin kórip otyrmyz. Máselen, týrızm, bilim, aýyl sharýashylyǵy, sonymen birge balyq sharýashylyǵyndaǵy yntymaqtastyqqa múmkindik bar. Sport baǵytyndaǵy yntymaqtastyq múmkinshilikterin qarastyrýdamyz. Sizderdiń kúres, bokstan  jáne sporttyń basqa da salalarynan jaqsy nátıje kórsetetinderińizdi bilemin», - dedi Elshi.

Fıdjı Elshisimen áńgimelesý barysynda G.Ábdiqalyqova týrızm salasy yntymaqtastyqtyń keleshegi zor  baǵyttarynyń biri bolyp tabylatyndyǵyna nazar aýdarǵan bolatyn. Onyń atap ótýinshe, eki eldiń týrıstik vedomstvolary men kompanııalary arasyndaǵy tikeleı baılanystardy ornatý atalǵan saladaǵy áriptestikti damytýǵa serpin beredi.