Fıdel Kastro Kýba Kompartııasynyń birinshi hatshysy laýazymynan ketpek
ASTANA. 1 naýryz. QazAqparat - Taıaý kúnderde Fıdel Kastronyń Kýba Kompartııasynyń birinshi hatshysy laýazymynan ketýi kútilýde, dep habarlaıdy RBK agenttigi sheteldik BAQ-qa silteme jasap.
Jýrnalısterdiń málimetterine qaraǵanda, sáýirde ótetin sezde Kommýnıstik partııanyń jańa basshylyǵy saılanady, oǵan Fıdeldiń inisi - Raýl Kastro saılanady dep kútilýde. Kadrlyq almasýlar týraly resmı málimdemeler taıaý kúnderde-aq belgili bolmaq.
Esterińizge sala keteıik, Kastro densaýlyǵynyń nasharlyǵyna baılanysty 2006 jyly Kýbaǵa basshylyq jasaýdan ketip, memleket basshysynyń ókilettigin 79 jastaǵy inisi Raýl Kastroǵa bergen bolatyn. Sodan beri ol jurtshylyq aldyna shyqqan joq. Alaıda Fıdel Kastro qazirge deıin el ishinde úlken bedelge ıe, atap aıtqanda, Kýba Kommýnıstik partııasynyń birinshi hatshysy bolyp qalýda.
