Fıdel Kastro 4 jylda alǵash ret Kýba parlamentiniń májilisinde sóz sóıledi
ASTANA. Tamyzdyń 9-y. QazAqparat - Kýba revolıýtsııasynyń kósemi Fıdel Kastro sońǵy 4 jylda alǵash ret el Parlamentiniń aldynda sóz sóıledi.
Senbi, tamyzdyń 7-si kúni bastalǵan Kýba Halyq bıligi ulttyq assambleıasynyń májilisinde sóılegen sózin 83 jastaǵy Kastro halyqaralyq kúntártibindegi ózekti máselelerge arnap, Iran tóńiregindegi máselege erekshe toqtaldy. Bul týraly ITAR-TASS agenttigi habarlady.
Uzaq ýaqyt úzilisten keıin buqaralyq sharalarǵa aralasa bastaǵan komandante, ıadrolyq qarý qoldanylatyn dúnıejúzilik soǵysqa ulasýy yqtımal adamzatqa tóngen qaýip-qater týraly eskertýden jalyǵar emes. Ótken senbi kúni baspasóz betinde jarııalanǵan kezekti maqalasynda Kastro, Kýba halqynyń atynan Barak Obamaǵa úndeý tastap, ony ıadrolyq soǵystyń tutanýyna jol bermeýge shaqyrǵan bolatyn.
