FIDE prezıdenti Qasym-Jomart Toqaevqa alǵys aıtty
«Bizdiń sońǵy kezdesýimizden beri 7 aıǵa jýyq ýaqyt ótti. Osy ýaqyt aralyǵynda Sizdiń jan-jaqty qoldaýyńyzben Qazaqstanda bes álem chempıonatyn ótkizdik. Shahmat sporty Qazaqstanda qanshalyqty tanymal ekenine kýámiz. Tsıfrlar tańǵaldyrady. Ári ol keleshekte arta túsedi. Men buǵan senimdimin. Óıtkeni, memleket pen demeýshiler tarapynan kórsetiletin qoldaý árqashan jaqsy nátıje beredi», - dedi FIDE prezıdenti.
Arkadıı Dvorkovıchtiń aıtýynsha, álem chempıonatynyń aıasynda kóptegen qosymsha jarystar ótti. Atap aıtqanda, Qazaqstannyń áıelder quramasynyń álem quramasyna qarsy oıyny, balalar týrnırleri, álemniń jetekshi shahmatshylarynyń qatysýymen sheberlik saǵattary men bir rettik oıyn seanstary uıymdastyryldy. Sondaı-aq, ol bıyl jazda Qazaqstanda alǵash ret mektepter arasynda álem chempıonatyn ótkizý josparlanyp otyrǵanyn jetkizdi. Jarysqa keminde 80 eldiń ókili qatyspaq.
Qytaı grossmeıstri Dın Lıjen osy matchqa shaqyrtý alǵany úshin Memleket basshysyna alǵys aıtty.
«Sizben kezdesý – biz úshin zor mártebe. Osy týrnırge qatysyp, jeńiske jetkenim úshin qýanyshtymyn. Oıynnan keremet lázzat aldym», - dedi ol.
Óz kezeginde grossmeıster ıAn Nepomnıaşıı Qazaqstanda shahmatqa qyzyǵýshylyq joǵary ekenine nazar aýdardy.
«Match uıymdastyrýshylaryna, elińizge alǵys aıtamyn. Sizdiń elińizde shahmatqa degen qyzyǵýshylyq udaıy artyp kele jatqanyn kórip otyrmyn. Federatsııanyń jańa basshylyǵymen durys baǵytta damyp jatyrsyzdar», - dedi ol.
