Feısbýktyń telefondaǵy qosymshasy jóndeldi
ASTANA. QazAqparat - «Facebook» kompanııasynyń mamandary smartfondar men planshetterdiń qýatyn azaıtatyn iOS-pen basqarylatyn mobıldik jabdyqtarǵa arnalǵan qosymshadaǵy qatelikterdi jóndedi. Jańartylǵan nusqany aldaǵy ýaqytta App Store-den júktep alýǵa bolady, dep habarlady dgl.ru.
Kompanııanyń ókili Arı Granttyń aıtýynsha, kodtaǵy qatelikter mobıldik quraldardyń protsessoryn toltyryp tastaıdy. Sondyqtan, energııa kóp jumsalady.
Facebook ókili osy úshin paıdalanýshylardan keshirim surady. Aıta ketirligi, Android bazasyndaǵy smartfondarda bul qosymshada ondaı qıyndyqtar kezdespegen.
Eske sala keteıik, buǵan deıin paıdalanýshylar Facebook qosymshasynyń «ashqaraqtyǵyna» kóp shaǵym bildirgen. Olardyń arasynda qosymshany alyp tastap, ony lite-nusqaǵa aýystyrmaq bolǵandar nemese qyzmettiń braýzer nusqasyn paıdalanǵandar bolǵan.
