Feısbýktiń 2015 jyldyń tórtinshi toqsanyndaǵy taza kirisi $1,56 mlrd
ASTANA. QazAqparat - Álemdegi eń iri áleýmettik jelini menshiktegen Facebook kompanııasy ótken toqsanda 1,56 mlrd dollar tabys tapqan. Bul aqparatty kompanııanyń ókilderi jarııa etti. Kiris bir jyl burynǵy merzimdegi qarjydan eki esege artqan ($700 mln shamasynda).
Ótken toqsandaǵy kompanııanyń jalpy qarjysy 5,84 mlrd dollar boldy, ol soma bir jylda 2 mlrd dollarǵa ósken. Facebook derekterine qarasaq, áleýmettik jelini qazir shamamen 1,04 mlrd adam paıdalanady.
Saıtty 2004 jyly 4 aqpanda Tsýkerberg jáne onyń Garvard ýnıversıtetindegi úsh kýrstasy birlesip ashqan. Kompanııanyń shtab-páteri Menlo-Park qalasynda (AQSh, Kalıfornııa shtaty) ornalasqan.
