Feısbýkte «Qaırat». Ózgeris» kitabynyń resmı paraqshasy paıda boldy
ASTANA. QazAqparat - Feısbýk áleýmettik jelisinde «Qaırat» fýtbol klýby týraly jaqynda shyǵatyn kitapqa arnalǵan paraqsha paıda boldy, dep habarlaıdy «SPORTINFORM» SAA.
«Men Kitappyn. Sport týraly, sonyń ishinde fýtbol, atap aıtqanda, kóp jyldan beri Almatynyń ǵana emes, kúlli Qazaqstannyń fýtbol brendi bolyp kele jatqan almatylyq «Qaırat» týraly avtorlyq týyndylardy oqyǵandy jaqsy kóretin adamdarǵa arnalǵan kitappyn. Meniń atym «Qaırat». Ózgeris». Men tanymaldylyqqa ıe bolyp, Qazaqstandaǵy alǵashqy sporttyq bestseller bolǵym keledi!», - delingen alǵy sózde.
Eske salaıyq, «Qaırat». Ózgeris» atty kitap eki tilde jaryq kóredi. Onyń avtory - tanymal sport jýrnalısi Aıdyn Qojahmet. Ony qazaq tiline tanymal sport kommentatory Eseı Jeńisuly aýdarǵan. Kitaptyń tusaýkeseri 9 qarashada Almatyda, Gogol kóshesindegi «Meloman» dúkeninde ótedi.
