Feısbýkte Densaýlyq saqtaý mınıstriniń kómekshisi paıda boldy

«Mınıstrdiń kómekshisi» dep atalatyn resmı paraqshaǵa Feısbýk qoldanýshylary densaýlyq saqtaý júıesindegi shaǵymdar men usynystaryn jibere alady.
«Qoldanýshylar paraqshaǵa densaýlyq saqtaý júıesine qatysty jazba qaldyrady nemese jarııalylyqty qalamaıtyndar jeke habarlama jibere alady. Paraqshany tórt ákimshi - Mınıstrlik ókili, Farmatsııa komıteti, Qoǵamdyq densaýlyq saqtaý komıteti jáne dári-dármek boıynsha SQ-Farmatsııa ókili júrgizedi. Olardyń árqaısysy óz baǵyttary boıynsha jaýap beredi. Ózekti suraqtarǵa barynsha tez jaýap berýge tyrysamyz. Óńirlik qurylymdar men densaýlyq saqtaý basqarmalaryna qatysty suraqtardy jedeldetilgen rejimde tıisti ákimdikterge jiberemiz. Barlyq ákimdermen tyǵyz baılanys ornatylǵan», - dedi QR Densaýlyq saqtaý mınıstrliginiń resmı ókili Ernar Ákimqulov.
Resmı ókildiń aıtýynsha, paraqsha tańǵy 9-dan keshki 6-ǵa deıin jumys isteıdi, al suraqtardy táýlik boıy jiberýge bolady.