Feısbýktaǵy dinı alaýyzdyq týǵyzatyn birqatar jarııalanymdar óshirildi

ASTANA. QazAqparat - Qyzylorda oblystyq prokýratýrasy «Facebook» jáne «VKontakte» áleýmettik jelilerinde taratylǵan ulttyq jáne dinı alaýyzdyqty qozdyrýǵa baǵyttalǵan jarııalanymdardy joıyp tastady, dep xabarlaıdy QazAqparat vedomstvonyń resmı saıtta jarııalanǵan zabarlamaǵa silteme jasap.

«Ǵalamtor júıesine monıtorıng júrgizý nátıjesinde «Facebook» jáne «VKontakte» áleýmettik jelilerinde ulttyq jáne dinı alaýyzdyqty qozdyrýǵa baǵyttalǵan 39 jarııalanymdy, sonymen qatar jasóspirimderdiń adamgershilik-rýhanı damýyna teris qylyqty nasıhattaıtyn «YouTube» beınehostıngindegi 25 arnany japtyq», - delingen xabarlamada.

Mamandardyń aıtýynsha, búginde meshitke keletin jamaǵattyń 85-90 paıyzy jastar. Al jalpy elimizdegi rýhanı izdeniske túsken jandar  ǵalamtor  arqyly jat aǵymdardyń  ýaǵyz-nasıhatyna ılanyp jatady .

QR Din isteri jáne azamattyq qoǵam mınıstrligi Din ister komıteti basshysynyń orynbasary Balǵabek Myrzaevtyń málimetteri boıynsha, beıresmı derekterde 15-16 myńdaı adam jat dinı aǵym jeteginde ketken. Onyń ishinde takfırıster, jıhadıster dep túrli aǵymdarǵa bólinip jatady.