Feısbýk pen Instagramnyń qyzmetinde kidiris baıqaldy

ASTANA. QazAqparat - Facebook pen Instagram áleýmettik jelileriniń qoldanýshylary servıs jumysyndaǵy aqaýǵa tap boldy, dep habarlaıdy «QazAqparat» HAA Trend.az agenttigine silteme jasap.

Tanymal ınternet-resýrstardyń óship qalýy men aqaýyn qadaǵalaıtyn Downdetector saıtynyń deregi boıynsha, Instagram jumysyndaǵy aqaý 13:13-te EST, Facebook-tegi - 13.16-da EST bastalǵan.

AQSh, Meksıka, Brazılııa, Italııa, Frantsııa, Ulybrıtanııa, Polsha, Bolgarııa, Nıderlandy jáne Irlandııa elderindegi kóptegen qoldanýshylar áleýmettik jelige kire almaǵan jáne sýretterdi qaraı almaǵan.

Italııa, Shvetsııa, Túrkııa, Nıderlandy, Ispanııa, Polsha, Reseı, Germanııa, AQSh pen Brazılııadaǵy qoldanýshylar jańalyqtar taspasyn jańartý kezinde kedergige tap bolyp, óz akkaýnttaryna kire almaǵan.

Jeltoqsanda Eýropa turǵyndary Facebook jumysyndaǵy aqaýlardy baıqaǵan edi.