Feısbýk birneshe jyl polıtsııa izine túsken qaraqshyny ustap berdi
ASTANA. QazAqparat - Facebook jasandy ıntelektisi brıtandyq polıtsııaǵa birneshe qylmysqa qatysy bar qylmyskerdi tabýǵa jáne ustaýǵa kómektesti, dep habarlaıdy BBC.
Nátıjesinde 21 jastaǵy Omar Famoda 17 jylǵa sottalǵan. Qylmys qurbandarynyń birine Feısbýk áleýmettik jelisi dostasý úshin «tanýy múmkin adamdardyń» kezekti tizimin usynǵan.
Avtomatty algorıtm áleýmettik jelidegi paıdalanýshylardyń ishinen birqatar parametr boıynsha saı keletin úmitkerlerdi tańdaıdy jáne paıdalanýshyǵa olarmen dostasýdy usynady. Osyndaı siltemeniń birinde qaraqshynyń akkaýnty bolǵan, ony zardap shekken adam tanyp qoıǵan.
Omar Famoda birneshe jyl qatarynan urlyq jasap, jurtty tonap kelgen. Ol kólik aıdap ketý, qarýly qaraqshylyq jasaý, kúsh qoldaný sekildi qylmystar jasaǵan.
