Feık: «Transgenderlik — psıhıkalyq aýytqý dep tanyldy»

Áleýmettik jelilerde AQSh Prezıdenttigine kandıdat Vıvek Ramasvamıdiń sóılegen sózin talqylanýda. Ol kópshilik aldynda jynysty ózgertýge degen umtylys psıhıkanyń buzylýy bolyp tabylady dep málimdedi. Bul — negizsiz derek.

Vıvek Ramasvamı – 2024 jylǵy saılaýda respýblıkalyq partııadan prezıdenttikke kandıdat. Ol trans adamdarǵa qarsylyǵyn bildirip, birneshe ret sóz sóılegen, transgenderlikti «kýlt» dep te ataǵan. ıAǵnı, Ramasvamıdiń trans adamdarǵa degen kózqarasy teris jáne onyń jeke senimi onyń saıası ustanymy men kópshilik aldynda sóılegen sózderine aıtarlyqtaı áser etedi.
"Transgenderlik — aýrý" degen sóz saıasatkerdiń jeke pikiri.

11-shi ret qaıta qaraǵan aýrýlardyń halyqaralyq klassıfıkatsııasynda genderlik sáıkessizdik psıhıkanyń buzylýy retinde anyqtalmaıdy.

«Genderlik varııalyq minez-qulyq pen birdeńeni artyq kórý dıagnoz qoıýǵa negiz bola almaıdy», – delingen aýrýlardyń halyqaralyq klasıfıkatsııasynda.

Qazirgi túsinikterge sáıkes, jynys pen gender – bul eki túrli uǵym. Jynys er nemese áıel bolady, ol bıologııalyq jáne anatomııalyq ereksheliktermen anyqtalady. Gender – bul adamnyń áleýmettik róline jáne onyń ishki kózqarasyna baılanysty keńirek uǵym. Keıde jynys pen gender sáıkes kelmeýi múmkin jáne bul psıhıkalyq buzylý bolyp sanalmaıdy.

Demek, AQSh prezıdenttigine kandıdattyń transgenderlik týraly sózderi onyń jeke pikiri bolyp tabylady jáne qazirgi medıtsına ǵylymyna qaıshy keledi.