Feık: Messendjerde tirkelý úshin tólqujat málimetterin habarlaýǵa mindetteıdi
NUR-SULTAN. QazAqparat - Telegram arnalarynda kelesi jyldyń naýryz aıynan bastap azamattar messendjerlerdi paıdalaný úshin tólqujat derekterin habarlaýǵa mindetti bolatyny týraly jalǵan habarlama tarady, dep habarlaıdy QazAqparat Stopfake.kz-ke silteme jasap.
Tólqujat málimetterin usyný qajettiligi týraly qaýeset Reseı Federatsııasy Úkimetiniń bıylǵy 20 qazandaǵy qaýlysyn durys túsinbeýden shyqqan. Bul týraly aqparatty RF Memlekettik dýmasy joqqa shyǵardy. Aqparattyq saıasat, aqparattyq tehnologııalar jáne baılanys komıtetiniń tóraǵasy Aleksandr Hınshteın «Govorıt Moskva» radıostansasynyń efırinde elde mundaı zań qabyldanbaǵanyn málimdedi.
«Messendjer ıelerine arnalǵan erejeler 2018 jyly shyqty. Qazir Úkimet jańa qaýly shyǵardy, ol boıynsha baılanys operatorlary telefon nómiri boıynsha rastaýdy suratýǵa jáne osydan keıin ǵana qyzmet kórsetýge mindetti», – dedi ol.
Demek, azamattardy messendjerlerdi paıdalaný úshin tólqujat derekterin usynýǵa mindetteıtin jańa zań týraly habarlamalar shyndyqqa janaspaıdy.
