Feık: «Qazaqstan astanasyn Túrkistanǵa kóshirý týraly sheshim qabyldandy»
ASTANA. QazAqparat - WhatsApp-ta eldiń endigi astanasy Túrkistan bolatyny týraly beınerolık taraýda. Onda bul ıdeıany Prezıdent Qasym-Jomart Toqaev usynǵany, al Parlament depýtattary ony biraýyzdan qoldaǵany aıtylady. Jáne de bas qalany aýystyrý týraly resmı túrde 2024 jyldyń qańtarynda jarııalanady eken, dep jazady stopfake.kz saıty.
Munyń bári feık. QR Prezıdentiniń resmı saıtynda elordany Túrkistanǵa kóshirý týraly aqparat joq.
Sondaı-aq, Parlamenttiń saıtynda astanany kóshirý týraly «tarıhı sheshim», «qyzý talqylaý» jáne «biraýyzdan qoldaý» týraly habarlamalar joq.
Elimizdiń bas qalasyn Astanadan Túrkistanǵa kóshirý týraly qaýeset burynnan taralýda.
Alaıda, 2020 jyly QR Tuńǵysh Prezıdenti Nursultan Nazarbaev olardyń múldem negizsiz ekenin jáne mundaı sheshim qabyldanbaǵanyn aıtqan bolatyn.
2022 jyly Qazaqstan astanasyn Túrkistanǵa ǵana emes, Qostanaıǵa da kóshirý týraly aqparat taraǵan. Ol da feık bolyp shyqty.
