Feık: «Eki aılyq bala COVID-19 qarsy vaktsınatsııadan keıin qaıtys boldy»

NUR-SULTAN. QazAqparat - Áleýmettik jelilerde Pfizer kompanııasynyń COVID-19-ǵa qarsy vaktsınasy egilgen eki aılyq bala júrek ustamasynan qaıtys boldy degen aqparat taralýda. Bul jaǵdaı vaktsınaǵa jaǵymsyz reaktsııalardy baqylaýdyń biryńǵaı júıesinde 1015467 nómirimen tirkelgen delingen. Bul aqparat — jalǵan, dep habarlaıdy stopfake.kz.

Qaıtys bolǵan bala týraly aqparat bizge Jeliniń aǵylshyn tildi segmentinen keldi. Batys faktchekerleri ony joqqa shyǵardy. Rappler portalynyń habarlaýynsha , jelide taraǵan sábı ólimi týraly eseptiń skrınshoty vaktsınaǵa jaǵymsyz reaktsııalardy baqylaý júıesiniń resmı portalynan (VAERS) emes, bógde platformada jasalǵan. VAERS júıesiniń ózinde 1015467 nómirimen tirkelgen ótinish balanyń qaıtys bolǵany týraly emes.

Eki aılyq balanyń ólimi týraly esep jarııalanǵan portal MedAlerts.org dep atalady jáne ol memlekettik emes. Ol «Vaktsınatsııa máseleleri jónindegi ulttyq aqparat ortalyǵy» uıymyna tıesili. Bul – belsendi qyzmet etetin jáne vaktsınalar týraly jalǵan aqparat taratatyn AQSh-taǵy eń kóne antıvakserler birlestikteriniń biri. ıAǵnı, olardyń saıtynda jaryq kórgen barlyq aqparat birjaqty jáne jalǵan bolýy múmkin. Oǵan senýdiń qajeti joq.
Qoryta aıtqanda, qaıtys bolǵan eki aılyq bala týraly aqparat – resmı qujattarmen nemese derekkózdermen rastalmaǵan oıdan shyǵarylǵan oqıǵa.