Feık: Aýrýhanalarda vaktsınatsııalanǵan balalarǵa arnalǵan tósek-oryndar daıyndaldy
NUR-SULTAN. QazAqparat - What‘sApp messendjerinde balalarǵa arnalǵan juqpaly aýrýlar bólimshelerinde tósek-oryndar daıyn ekendigi týraly aýdıo habarlama taratylýda, dep habarlaıdy QazAqparat Stopfake.kz saıtyna silteme jasap.
Avtordyń aıtýynsha, olar mektepterde vaktsına shashqannan keıin qajet bolady, balalar jappaı aýyryp, óle bastaıdy. Bul feık.
Bul aqparatty Sanıtarlyq-epıdemıologııalyq baqylaý komıteti joqqa shyǵardy.
– Balalarǵa arnalǵan qosymsha ınfektsııalyq tósek-oryndar daıyndaý týraly aqparat shyndyqqa janaspaıdy. Búgingi tańda, kerisinshe, KVI-men juqtyrý jaǵdaılarynyń tómendeýine baılanysty juqpaly aýrýlar statsıonarlary jabylýda. Sondaı-aq, bólmede búrký arqyly qoldanylatyn vaktsına joq, – dedi vedomstvonyń resmı ókili Erjan Baıtanaev.
Bul ata-analar arasynda dúrbeleń týǵyzǵan dybystyq habarlamalar buǵan deıin de taraǵan bolatyn.
ıBiz Taraz jáne Shymkent qalalarynda balalardy belgisiz baǵytta evakýatsııalap, aýyzyna tamyzý arqyly egetini týraly feıkti joqqa shyǵardyq»,-delingen habarlamada.
