Feık: Áleýmettik jelilerde jeke tulǵanyń atynan nesıe usynylýda

Facebook áleýmettik jelisinde 2%-ben 90 mln deıin nesıe rásimdeý týraly aqparat taratylyp jatyr. Bul aqshaǵa jyljymaıtyn múlik satyp alý nemese bıznes ashý usynylady. Mundaı jomart usynystarǵa senbegen jón, dep habarlaıdy QazAqparat stopfake.kz saıtyna silteme jasap.

Saıttaǵy derekterge qaraǵanda, habarlama mátininde nesıelerdi bank nemese qandaı da bir qarjy uıymy emes, jeke tulǵa beretini aıtylǵan. Ekinshiden, qaryz valıýtasy qazaqstandyq teńgemen emes, qyrǵyz somymen beriletini aıtylǵan. Munyń bári alańdaýshylyq týdyrady.
Jeliden izdep, jeke tulǵanyń nesıe berý týraly usynystary shetelde sırek emes ekeni anyqtaldy. Mysaly, Sıngapýrda alaıaqtar osylaı áreket etedi.
Olar «qaryz alýshylarmen» baılanysyp, kórsetilgen shotqa nesıe rásimdeý úshin belgili bir komıssııa jiberýdi suraıdy, sodan keıin joǵalyp ketip, qońyraýlar men habarlamalarǵa jaýap bermeıdi.
Sondaı-aq Jelide kúdiktenip, jalǵan nesıe berýshilerge aqsha jiberýden bas tartqan adamdardyń áńgimeleri bar. Bul rette olardy jeke derekterin jarııalaımyz dep bopsalaǵan.
Qazaqstanda mundaı alaıaqtyq áreketteri týraly BAQ-ta 2022 jylǵy qarashada habarlandy. What‘sApp arqyly qomaqty somany nesıege alý usynyldy. Mundaı qýlyqqa tap bolǵandar týraly habarlanǵan joq.
Alaıaqtardyń quryǵyna túspes úshin áleýmettik jeliler men messendjerlerde kúmándi siltemeler boıynsha ótpeýge keńes beremiz.